Arzúa é terra do queixo destino verde de Galicia paso dos peregrin@s

Programa «Camiños do coñecemento e Experiencia»

Programa "Camiños do coñecemento e Experiencia"

O Concello de Arzúa impulsa un programa de formación e aprendizaxe para os veciños maiores de 50 anos

 

O Concello de Arzúa en colaboración coa Universidade de Santiago vai impulsar unha nova iniciativa de participación a través do programa Universitario de Maiores, IV CICLO, dirixido a todos os veciños e veciñas de Arzúa maiores de 50 anos.

O proxecto, dado a coñecer esta mañá pola Concelleira de Benestar Social de Arzúa, Aurora Varela, preséntase baixo o título de Camiños do Coñecemento e Experiencia. Trátase dun espazo de encontro e formación entre a universidade e o noso concello, mediante o cal as persoas maiores de 50 anos que desexen participar desfrutarán da aprendizaxe en distintas áreas de coñecemento, como son o ámbito artístico coa disciplina da música, a historia da cultura de Galicia e a área medioambiental.

A formación desenvolverase en sesións de noventa minutos na Capela da Madanela en horario de tarde, das 17 ás 18.30 horas. Impartiranse sesións expositivas e tamén interactivas, así como sesións prácticas que se concretan en visitas e concertos.

As datas nas que este proxecto se desenvolverá en Arzúa serán os días: 24,26,29, 30 de maio e o 1 e o 7 de xuño.

Ademais dos coñecementos teóricos vinculados ao valor do noso patrimonio máis cercano, xa sexa artístico, histórico- cultural, medio ambiental e rural; os veciños e veciñas de Arzúa que participen nesta iniciativa desprazaranse ata o auditorio de Santiago para desfrutar dun concerto, descubrirán os segredos que agocha o Castro de Burres e o funcionamento dunha granxa ecolóxica.

Aurora Varela anima a todos os veciños e veciñas de Arzúa con máis de 50 anos a participar neste novo programa que é de carácter totalmente gratuíto, que será impartido por cinco docentes universitarios e para o que non se precisa ningunha titulación. As persoas interesadas poden inscribirse nas oficinas do Concello en horario das 9 ás 2 do medio día, ata o día 19 de maio.

 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia