Arzúa é terra do queixo destino verde de Galicia paso dos peregrin@s

O Concello de Arzúa reparte entre a veciñanza o calendario do ano 2022

O Concello de Arzúa reparte entre a veciñanza o calendario do ano 2022
O Departamento de Cultura do Concello de Arzúa informa que nos vindeiros días repartirase entre a veciñanza o calendario para o ano 2022 de forma gratuíta.
No día de hoxe, persoal municipal iniciará o reparto por diversos locais de Arzúa e polas parroquias. Estarán dispoñibles no Bar Pedrito, Casa Nené, Bar Praza, Parrillada Europa, Bar Ameixa, O Furancho de Santiso, La Bodega de José, Bar Karper, A Queixeira de Arzúa, Bar Luis, Bar Manolo, Café Teatro, Bar D`Susan e nas librarías Cartafol, Díaz e Os Picariños e na piscina cuberta. Tamén hai exemplares dende hoxe mesmo na Casa do Concello, Biblioteca Municipal e na Oficina de cultura e deportes.
As veciñas e veciños das parroquias tamén poderán recollelo nos bares e tabernas correspondentes ou, onde non os haxa, contactando co correspondente alcalde pedáneo.
Ademais, coincidindo coa feira do mércores 22 de decembro, farase un novo reparto dos calendarios entre os asistentes e ata fin de existencias a partires das doce do mediodía na entrada do Multiusos Terra do Queixo.
Os calendarios son de doce láminas mensuais e unha portada dedicadas este ano á defensa e fomento do uso da lingua galega. Cada folla permitiranos, ademais de mirar os días festivos ou as lúas correspondentes a cada mes, descubrir palabras en galego e observar as doce fotografías relacionadas coas mesmas, todo baixo o título Arzúa, en galego os 365 días do ano nunha acción promovida polo Departamento de Cultura.

Compartir en facebook
Facebook
Compartir en twitter
Twitter
Compartir en linkedin
LinkedIn
Compartir en pinterest
Pinterest
Compartir en whatsapp
WhatsApp
Compartir en email
Email