Arzúa é terra do queixo destino verde de Galicia paso dos peregrin@s

Exposición «Bo Camiño». Do 1 ao 31 de agosto de 2018

Exposición "Bo Camiño". Do 1 ao 31 de agosto de 2018

Arzúa acollerá por segundo ano unha exposición colectiva sobre o Camiño de Santiago.

O mércores 1 de agosto ás 19:00 horas terá lugar na Capela da Madanela de Arzúa a inauguración da mostra titulada “Bo Camiño”.

O Departamento de Cultura do Concello de Arzúa en colaboración con Sumarte, organiza para o mes de agosto a mostra colectiva e multidisciplinar “Bo Camiño” que estará exposta na Capela da Madanlela. Atendendo á propia historia do espazo expositivo, emprazado nun lugar emblemático do Camiño de Santiago ao seu paso por Arzúa, organízase unha exposición de artistas galegos na que o fío condutor, a idea e a inspiración son o Camiño de Santiago. Cada un dos artistas participantes elixe unha obra da súa traxectoria na que para eles está representado o concepto ou o espíritu deste itinerario cultural europeo. Na mostra, cada obra irá acompañada dun texto persoal de cada artista sobre a súa percepción sobre o Camiño, co que se pretende invitar ao visitante á reflexión.

A exposición permanecerá aberta do 1 ao 31 de agosto en horario de sete e media a nove e media da tarde de martes a venres e a inauguración terá lugar o primeiro día de apertura, o mércores 1, ás sete da tarde e na que se convidará ao público asistente a un viño en colaboración con ALBERTERIBEIRO e a un petico de queixo DO Arzúa-Ulloa.

Nesta segunda edición, e despois da grande acollida e do enorme éxito de participación do ano pasado, podremos achegarnos ao Camiño de Santiago a través da obra pop de Jorge Agra, os tellados de Compostela de Abel Barandela, a peregrina descansando de Violeta Bernardo, os peregrinos de Tino Canicoba, Luis de las Cuevas, Antonio Souto, Tesedeiro e Laureano Vidal, a peregrina de Novais, as botas do caminante de Lomarti, a chegada o Obradoiro de Miguel Anxo Macia, a obra de Fernando Pereira, a praza de Platerias de Peña Romay, a poesía de Rebeca Novo e Baldo Ramos, entre outras obras.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia