Arzúa é terra do queixo destino verde de Galicia paso dos peregrin@s

Ciclo de música na rúa «En Aberto» 2018

Ciclo de música na rúa "En Aberto" 2018

Volve o ciclo de música na rúa ‘En aberto’ con catro concertos ao aire libre en Arzúa.

O Departamento de Cultura do Concello de Arzúa pon en marcha a terceira edición do programa de concertos ao aire libre que encherá de música e cultura a Praza de Galiza durante o mes de agosto dentro da programación que o servizo municipal ten preparado para este verán.
Os días escollidos para levar a cabo os recitais musicais son os xoves 2, 16, 23 e 30 do mes de agosto por ser un dos días da semana no que máis peregrinos pasan por Arzúa e por ser próximo á fin de semana e, deste modo, os propios veciños e veciñas poidan desfrutalos ao non coincidir coa maioría das festas e outros actos típicos do verán.
A primeira proposta musical, que iniciará este programa este xoves, día 2 de agosto, virá da man de Soul&Roll. Trátase dun dúo que propón un espectáculo musical acústico cun repertorio do máis completo e variado cuns arranxos músicais adaptados e traballados minuciosamente, unha voz, coros vocais, guitarras acústicas, baixo, ukelele, percusión menor e un bombo que farán soar grandes éxitos desde os anos 80 ata a actualidade.
Interpretarán cancións de Luz Casal, Miguel Ríos, Mecano, Siniestro Total, Danza invisible, Manolo García, Maná, Fito e Fitipaldis, Bruno Mars, Adele e Avicii, entre outros.
O xoves 16 a quenda será para O Fiadeiro que fará unha exhibición de baile e música tradicional dentro do programa Danza 3 promovido pola AGADIC e a Xunta de Galcia.
A formación arzúa Rondalla Moraima levará a cabo o seu primeiro concerto ao aire libre dentro deste ciclo o xoves 23 cun concerto que representará a cultura músical local.
Por último, o xoves 30 de agosto, pechará o ciclo de música na rúa En aberto o cantautor Pepe Piña que presentará a súa volta aos escenarios en solitario, con directos nos que mestura os seus temas propios de influencias moi variadas (Bossa, Blues, Fados, Pop e a canción de autor) con versións de temas coñecidos por todos e todas co ánimo de facer un concerto dinámico e variado.
Todos os concertos serán ás nove da noite, gratuítos e celebraranse na Praza de Galiza.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia