Comeza outubro e un ano máis a “Asociación socio-educativa Antonio Gandoy”, ofrece no Concello de Arzúa ás familias con nenos menores de seis anos a posibilidade do encontro e intercambio con outras familias e con un profesional da educación, co fin de que poñan en valor o seu importante papel como educadoras e que compartan dúbidas.
Tanto se o voso fillo ou filla asisten á escola infantil coma se non, podedes participar xa que é un espazo de Formación de Pais. Xuntámonos cada semana para compartir dúbidas e experiencias coas demais familias, facendo actividades axeitadas a cada idade nas que poidades xogar relaxadamente cos vosos fillos e fillas.
Se queres participar acercádevos os martes as 11:00 na ludoteca.