Arzúa é terra do queixo destino verde de Galicia paso dos peregrin@s

Os veciños de Arzúa dispoñen de impresos nos establecementos públicos para deixar a súa sinatura contra a supresión do Xulgado

Os grupos políticos da Corporación Municipal de Arzúa acordaron na sesión plenaria celebrada a finais do mes de abril unha moción conxunta na que manifestaron a súa intención de loitar contra a intención do Goberno Estatal de suprimir o Partido Xudicial de Arzúa; os grupos políticos decidiron tamén recabar sinaturas entre os veciños do concello en defensa do mantemento do noso Partido Xudicial.

Deste xeito, dende hoxe mesmo todos os veciños e veciñas que así o desexen poderán asinar os impresos que para tal fin se deixarán en varios establecementos públicos: bares, comercios e na propia casa do Concello.

A colaboración dos veciños é moi importante porque as sinaturas servirán para loitar por unha xustiza próxima e accesible e para que non se encareza a prestación dun servizo que entendemos básico.

Así mesmo, os veciños reclamarán do Goberno do Estado a retirada do anteproxecto de lei que contempla a creación dun único Tribunal de Instancia de ámbito provincial e dirán NON a calquera medida que implique a supresión do Partido Xudicial de Arzúa.

Dende o Concello de Arzúa agardan, ademais, que os restantes concellos afectados por esta medida leven adiante acción similares.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia