Arzúa é terra do queixo destino verde de Galicia paso dos peregrin@s

O concurso de fotografía medioambiental “Mellora Arzúa” xa ten os seus premiados

O concurso de fotografía medioambiental “Mellora Arzúa” xa ten os seus premiados
Un xurado integrado por representantes do Concello e por profesionais relacionados co mundo da fotografía foi o encargado no día de onte de valorar as trinta e catro propostas que se presentaron ao concurso de fotografía convocado polo Departamento Municipal de Cultura coa finalidade de fomentar a concienciación medioambiental e contribuir a conservar e mellorar o noso contorno.

O xurado do que formou parte Óscar Fernández axente TIC da Aula CeMIT), Pilar Castro (Concelleira de Sensibilización Mediambiental), o fotógrafo Jose Manuel García e Marcos Pampín (responsable do Departamento de Cultura) que actuou como secretario, valorou das propostas presentadas a calidade técnica e artística das mesmas así como a capacidade que teñen as imaxes para comunicar visualmente e promover a sensibilización medioambiental.

Despois das valoracións e puntuacións, tal e como recollían as bases do concurso, resultaron elexidas como gañadoras as seguintes doce imaxes:

“Carballeira da Mota, San Estevo do Campo, o camiño do misterio” e “Camiño de outono á beira do Iso, preto da Fontesanta” de Miguel Sánchez.

“Non como as papas a ninguén” e “Cogomelos” de Eva García.

“Auga viva” de Juan Carlos Martín.

“Magosto” e “Xofre”, autoría de Aldara Gómez.

“Polinizando” e “Barrendeiros” de Diego Sánchez.

“Galiña Piñeira, a nosa galiña” e “Non estragues nin unha pinga” de Daniel Fernández.

Tamén resultou premiada a imaxe “Onirismo” tomada por Héctor Romero.

Estas fotografías elexidas formarán parte do calendario para o ano 2018 que elaborará o Concello de Arzúa e recibirán un premio dotado de cincuenta euros cada unha. Todas as propostas presentadas pódense ver no facebook do Departamento de Cultura do Concello de Arzúa.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia