O Departamento de Cultura do Concello de Arzúa informa da apertura da Convocatoria de programas de apoio á cultura e ao deporte, dirixidos a entidades sen ánimo de lucro para actividades e investimentos durante o ano 2015 , tal e como se anuncia no B.O.P. nº 205 do luns, 27 de outubro de 2014.
Poderán acollerse a estas axudas as asociacións de carácter cultural e deportivo da provincia da Coruña que estén legalmente constituídas. Neste caso, as interesadas poderán realizar as solicitudes ata o 20 de novembro de 2014.
O importe mínimo do orzamento da actividade ou investimento será de 3.000 euros, dos cales, con caracter xeral, se solicitará entre un 20 e un 70% do presuposto de gastos.
As solicitudes deberán formularse telematicamente na aplicación web da Deputación da Coruña (www.dicoruna.es).
Poden informarse nas instalacións municipais do Departamento de Cultura ou chamar ao teléfono 981 500 222.
Días 6, 7 e 8 de outubro de 2014
O Concello de Arzúa comezará en breve a recollida de plásticos derivados da actividade agrícola polas parroquias.
O camión do Concello achegarase a todas as parroquias para facer a recollida, todos aqueles veciños que teñan plásticos e queiran desfacerse deles deben estar á hora indicada no lugar sinalado para cada parroquia. Os plásticos deben presentarse limpos e atados para facilitar os traballos de recollida.
O camión do concello pasará a recoller os plásticos nos días, horas e lugares que sinalaremos deseguido:
Luns, 6 de outubro:
9:00 h – BOENTE, no tramo da carretera antiga en Boente de abaixo
9:30 h – FIGUEIROA, no Curro
10:00 h – A CASTAÑEDA, no campo da festa
10:30 h – VILANTIME, no campo da festa
11:30 h – MAROXO, no campo da festa
12:00 h – BRANDESO, no campo da festa
12:30 h – VIÑÓS, no campo da festa
13:00 h – TRONCEDA, xunto á escola
13:30 h – DOMBODÁN, no campo da festa
Martes, 7 de outubro:
9:00 h – BRANZÁ, xunto á Igrexa
10:00 h – PANTIÑOBRE, ao carón da escola
11:30 h – LEMA, no campo da festa
12:00 h – RENDAL, no campo da festa
12:30 h – A MELLA, no campo da festa
13:30 h – VILADAVIL, xunto a pista polideportiva
Mércores, 8 de outubro:
9:00 h – SANTA MARÍA, no cruce de Seixas
9:30 h – SANTO ESTEVO, xunto á igrexa
11:00 h – SAN MARTIÑO, no campo da festa
12:30 h – OÍNS, no campo da festa
13:00 h – DODRO, xunto á igrexa
13:30 h – BURRES, ao carón da escola
Os veciños que queiran desfacerse dos plásticos procedentes da actividade agrícola deben estar ás horas sinaladas no lugar indicado para cada parroquia.
Dende o Concello solicítase colaboración por parte dos veciños, xa que do contrario non se podería levar a bo fin esta iniciativa; polo que se roga que os plásticos se presenten limpos e atados e se respecten os horarios establecidos para cada lugar.
