Publicada a lista definitiva de crianzas admitidas no programa de conciliación XOGARZÚA 2024 e as listas de reserva en cada quenda.
Ante a existencia de 28 prazas vacantes na quenda 1 (do 25 ao 28 de xuño) e de 11 prazas vacantes na quenda 8 (do 12 ao 16 de agosto), ábrese un novo prazo extraordinario de inscricións para a cobertura de ditas prazas ata o xoves 13 de xuño de 2024.
No caso de ter presentado solicitude no período ordinario soamente se deberá presentar o Anexo I de solicitude extraordinaria.
No caso de non ter presentado solicitude no período ordinario se deberá presentar a seguinte documentación:
Documentación básica a presentar:
- Anexo I de solicitude extraordinaria.
- Fotocopia do DNI/NIE da/s persoa/s solicitante/s (nai e/ou pai).
- Fotocopia do libro de familia.
Documentación a presentar segundo circunstancias sociofamiliares:
- No caso de familia monoparental, copia do certificado de familia monopartental emitido pola Xunta de Galicia ou xustificante de ter presentado a solicitude e a documentación presentada.
- No caso de familia numerosa, copia do título de familia numerosa.
- No caso de unidades familiares en que existan outras cargas relacionadas cos coidados: resolución de discapacidade con necesidade de terceira persoa, resolución de dependencia ou informe de servizos socias que acredita dita situación.
- No caso de vítima de violencia de xénero informe do Centro de Información ás Mulleres.
- No caso de ter algún tipo de alerxia, enfermidade ou afección de saúde, deberá achegar o informe médico onde conste a diagnose e as actuación previas ou posteriores a ter en conta. Se non se achegan, entenderase que non existen.
Neste prazo extraordinario o criterio de selección será o de orde de inscrición.