Arzúa é terra do queixo destino verde de Galicia paso dos peregrin@s

Contos na biblioteca 2018

Contos na biblioteca 2018

A biblioteca de Arzúa acollerá varias sesións de contacontos no mes de setembro.

O Departamento de Cultura do Concello de Arzúa organiza, en colaboración coa Biblioteca Municipal Rosalía de Castro, un programa de contacontos que encherá este espazo de actividades de animación á lectura co firme propósito de achegar aos máis pequenos da casa á biblioteca e fomentar o uso do galego.
A primeira sesión que terá lugar este venres, día 7 de setembro, correrá a cargo da compañía Biosbardos Animación que poñerá en escena o espectáculo Como axudo a Antón?, un conto contra o maltrato escolar, o chamado bullying, escrito por Jorge López Penas e o seu fillo Martín, de 13 anos, xunto ao asesoramento da psicóloga Isabel Ponte Rey e Eva Rieiro que o ilustrou. A obra colectiva, narra en diferentes escenas, distintos tipos de acoso escolar a través das historias de distintos animais como personaxes principais á hora de abordar o acoso.
As outras sesións levaranse a cabo os venres 14 e 21. O venres día 14 tocaralle a quenda á compañía Trinketrinke Teatro que realizará unha actuación titulada Avós.
A última sesión corresponderalle á contadora Saleta Fernández que chegará a Arzúa cun espectáculo chamado Pan con chocolate sobre Mª Victoria Moreno, homenaxeada este ano polas Letras Galegas.
Estás actuacións serán as cinco e media da tarde, na biblioteca e con acceso libre e gratuíto.

ACTUACIÓNS:

Venres 7. Biosbardos Animación: Como axudo a Antón? Biblioteca Municipal Rosalía de Castro | 17:30
Venres 14. Trinketrinke Teatro: Avós. Biblioteca Municipal Rosalía de Castro | 17:30
Venres 21. Saleta Fernández: Pan con chocolate. Biblioteca Municipal Rosalía de Castro | 17:30

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia