Arzúa é terra do queixo destino verde de Galicia paso dos peregrin@s

Arzúa Vende: 1ª Feira de artigos de segunda man e artesanía

Arzúa Vende: 1ª Feira de artigos de segunda man e artesanía

O Concello de Arzúa organiza para o sábado dezanove de maio a primeira feira de artigos de segunda man e artesanía.

A cita levará o nome de “Arzúa Vende” e pretende convertirse nun marco de compra e venda no que tanto os veciños e veciñas de Arzúa e tamén xente de fóra poidan dar saída ou adquirir artigos de segunda man (como por exemplo mobles, libros, aparellos electrónicos, antigüidades, cd´s e todo o que se lles ocorra) ou obxectos de artesanía.

O horario será de once da mañá a oito do serán e realizarase no Recinto Feiral Terra do Queixo. Para poder vender é obrigatorio anotarse previamente no Departamento de Cultura do Concello de Arzúa ou chamando ao teléfono 981 500 222 antes do 11 de maio. Tanto a inscrición para os vendedores como a entrada para o público será totalmente gratuíta.

“Arzúa Vende” contará cunha programación paralela á exposición e venda que se dará a coñecer nas vindeiras semanas.

A Concelleira de Cultura, Natalia Pereira Rey, salientou a importancia desta iniciativa “que serve como unha boa oportunidade para vender ou mercar cousas útiles que o dono ou dona non necesita e para dar a coñecer os traballos artesanais que se elaboran no noso concello e fóra del” ademais destacou o carácter gratuíto da feira e o feito de que a organización controlará o estado e o prezo dos artigos.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email