A Casa da Cultura sitúase no edificio que foi o Cárcere do Partido. Foi construído no ano 1853 polo arquitecto Faustino Domínguez Domínguez con pedras traídas do Mosteiro de Sobrado dos Monxes, abandonado trala desamortización.
O antigo cárcere serve como espazo para a cultura desde os anos 70 do século XX. Foi inaugurado como Casa da Cultura no ano 1992.
No mesmo edificio están a Escola municipal de música e o Conservatorio.
Está situada a uns metros da casa consistorial, na N-547, saída cara Santiago de Compostela.