O Departamento de Cultura do Concello de Arzúa organiza para o venres día 4 de maio as primeiras actividades encadradas dentro da programación cultural do mes de maio.
O programa que leva o nome de Mes das Letras prepara para para hoxe un contacontos a cargo do lalinense Celso Fernández Sanmartín en colaboración coa Biblioteca Municipal Rosalía de Castro ás seis e media da tarde para todos os públicos.
Un pouco máis tarde, na Capela da Madanela, levarase a cabo a inauguración da exposición colectiva Meigarte que contará cunha actuación musical e con pinchos para os asistentes. Será a partires das oito da tarde.
VENRES DÍA 4 DE MAIO
- CONTACONTOS: Celso Fernández Sanmartín na Biblioteca ás 18:30 (para todos os públicos, especialmente dirixido a nenos e nenas)
- EXPOSICIÓN: inauguración da mostra Meigarte na Capela da Madanela ás 20:00 (con música en directo e pinchos)
