Durante o presente mes de outubro van ter lugar os seguintes cursos gratuítos:
FAITE DIXIT@L!. CONFIGURACIÓN DE DISPOSITIVOS E USO DE APLICACIÓNS MÓBILES. Con esta actividade os alumnos/as aprenderán o funcionamento e configuración dos teléfonos móbiles intelixentes (Smartphone) así como aplicacións que lle farán a súa vida máis sinxela. Este curso forma parte do proxecto «Faite Dixit@l!» levado a cabo pola AMTEGA que ten coma obxectivo a capacitación tecnolóxica da poboación como ferramenta de innovación social. Impártese por multivideoconferencia nas distintas aulas da Rede CeMIT de Galicia, entre elas, Arzúa.
Datas: do 6 ao 14 de outubro. Todos os días de luns a venres.
Horario: 16:00 ás 20:00 horas.
OFIMÁTICA NA NUBE. Os contidos que se tratarán no curso son o manexo das ferramentas na nube como Google Drive e OneDrive (Skydrive) que permiten a creación e edición de documentos desde calquera dispositivo con conexión a Internet.
Datas: do 6 ao 17 de outubro. Os luns, mércores e venres.
Horario: 20:00 ás 21:30 horas.
LIBREOFFICE CALC: FOLLA DE CÁLCULO. Durante este obradoiro as persoas asistentes aprenderán a manexar esta ferramenta ofimática, a alternativa do Excel, de software libre. Este programa sirve para a realización de cálculos matemáticos, crear e xestionar pequenas bases de datos, etc. o que nos permite levar un control dos gastos e ingresos de forma sinxela, xa sexa dunha casa ou da nosa empresa.
Datas: do 7 de outubro ao 6 de novembro. Os martes e xoves.
Horario: 20:00 ás 21:30 horas.
FAITE DIXIT@L! PROGRAMACIÓN DE DISPOSITIVOS MÓBILES. Con esta actividade os alumnos/as aprenderán o funcionamento da plataforma Android e aprenderán como desenvolver unha sinxela aplicación para dispositivos móbiles. Este curso forma parte do proxecto «Faite Dixit@l!» levado a cabo pola AMTEGA que ten coma obxectivo a capacitación tecnolóxica da poboación como ferramenta de innovación social. Impártese por multivideoconferencia nas distintas aulas da Rede CeMIT de Galicia, entre elas, Arzúa.
Datas: do 15 ao 28 de outubro. Todos os días de luns a venres.
Horario: 16:00 ás 20:00 horas.
MANEXA O TEU SMARTPHONE. As persoas asistentes aprenderán as funcións básicas do teléfono así como o funcionamento das aplicacións máis habituais.
Datas: o luns 20, mércores 22 e venres 24 de outubro.
Horario: 20:00 ás 21:30 horas.
REDES SOCIAIS: COMEZA CO FACEBOOK. Os contidos deste curso serán o manexo do perfil en Facebook, facendo especial fincapé na xestión da privacidade e nas posibilidades desta ferramenta.
Datas: do 27 de outubro ao 7 de novembro.
Horario: 20:00 ás 21:30 horas.
Para incribirse pódese seguir calquera destas alternativas:
- Achegándose a Aula CeMIT de Arzúa sita na Rúa Lugo s/n (ao carón do Xulgado) en horario de tarde das 16:30 ás 21:30 horas.
- A través da web: cemit.xunta.es e usando os datos de acceso (usuario e contrasinal) ao ordenador da aula para solicitar a inscrición na actividade.
- Por teléfono: 981 500 447.
- Mediante correo electrónico á dirección cemit.arzua@xunta.es indicando os seus datos persoais.