O concello de ARZÚA participa no proxecto RedeXiana2 xunto con outros 90 concellos da provincia da Coruña.
O proxecto é promovido pola Deputación da Coruña e está cofinanciado polo Fondo Social Europeo. O seu obxectivo consiste en diminuir os niveis de desemprego da provincia a través da mellora profesional das persoas desempregadas e o apoio ao autoemprego.
O proxecto inclúe un programa formativo que combina formación teórica con experiencia laboral en entidades e empresas da provincia de sectores económicos relacionados coa formación impartida.
Ademáis ofrece orientación laboral para a inserción das persoas desempregadas e apoio na procura activa de emprego a través da titorizacion e seguimento persoal permanente. Este acompañamento persoalizado canalízase tamén a través do asesoramento especializado a persoas emprendedoras para a posta en marcha da súa idea empresarial.
Poderán acceder ao proceso de selección para participar no proxecto, as persoas desempregadas que estén empadroadas no concello e que cumpran os requisitos de acceso.
As áreas formativas ás que poderán optar serán as correspondentes a:
- obradoiros de emprego
- habilidades sociais e comunicativas
- responsabilidade social
- apoio preparación para as probas de competencias clave
- non discriminación e exclusión social
- sensibilización ambiental
- prevención de riscos laborais
- manipulación de alimentos
- medio ambiente na agricultura
- conducción económica e eficiente
- busca de emprego e novas tecnologías
- comercialización e venda electrónica
- productor de hortalizas ecolóxicas
- actividades auxiliares en agricultura
- horticultura e floricultura
- xerente de empresas de economía social
que se desenvolverán nos concellos de Toques, Curtis, Arzúa, Boimorto , Vilasantar e Sobrado.
As persoas interesadas en recibir máis información poderán dirixirse á área da Axencia de Emprego e Desenvolvemento Local do Concello de Arzúa.
