Arzúa é terra do queixo destino verde de Galicia paso dos peregrin@s

Programación cultural: Día do Nen@

Programación cultural: Día do Nen@

O Departamento de Cultura do Concello de Arzúa celebra, un ano máis, o Día Internacional do Neno con varias actividades culturais para o desfrute dos escolares arzuáns.

Os nenos e nenas dos centros educativos de Arzúa poderán desfrutar de concertos musicais e didácticos, monicreques e contacontos. As actuacións, organizadas polo Concello de Arzúa, realizaranse en horario lectivo na Casa da Cultura.

A primeira delas será o vindeiro luns día 19 para os alumnos de cuarto, quinto e sexto curso de Educación Primaria que poderán gozar dun concerto didáctico e interactivo a cargo da famosa compañía Odaiko Percussion Group.

O mércores día 21 será a quenda para os alumnos de Educación Infantil que participarán na representación “C@nto” da compañía Ni Fu Ni Fa Animación cunha sesión de contos onde os persoaxes saen dun libro xigante..

Outra proposta de Ni Fu Ni Fa Animación irá destinada aos mozos e mozas da ESO e de Bacharelato o xoves 22. O espectáculo “Claro que si” mesturará proxeccións con múisca en directo e poesía.

E, por último, o venres 23, os alumnos e alumnas de primeiro, segundo e terceiro curso de Educación Primaria presenciarán un concerto didáctico con marionetas a cargo do quinteto de vento Pentafonía.

Todas as actuacións serán ás once e media da mañá na Casa da Cultura.

A Concelleira de Cultura e Educación do Concello de Arzúa, Natalia Pereira, destaca a importancia destas actividades “porque serven para enriquecer culturalmente aos nenos e nenas en horario escolar asegurando así, a súa participación nas actividades independentemente das súas idades ou de onde vivan”. Ademais salineta o “esforzo económico que realiza o Concello dándolle continuidade a este programa a pesares de que a crise actual que estamos a vivir perxudica gravemente ao desenvolvemento da cultura”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia