Arzúa é terra do queixo destino verde de Galicia paso dos peregrin@s

Programación CeMIT de Arzúa para o mes de xuño

Como ven sendo habitual ábrese o prazo de inscrición para as novas actividades gratuítas da Aula CeMIT de Arzúa. Os cursos para este mes de xuño son:

Programación CeMIT de Arzúa para o mes de xuño

CREA O TEU BLOG. Con esta actividade os alumnos/as aprenderán o que é un blog, como funciona e utilizarán esta ferramenta de publicación web sinxela e gratuíta. Está dirixido a persoas con coñecementos básicos de informática.

Os luns e mércores do 10 ao 26 de xuño das 16:00 ás 18:00 h.

ESCOITA E DESCARGA MÚSICA POR INTERNET. Con esta actividade os alumnos/as aprenderán xestionar os programas que nos permiten escoitar música a través de Internet e descargar música de xeito legal a través da Rede. Está dirixido a persoas con coñecementos básicos de Internet.

Martes 11, mércores 12 e xoves 13 de xuño das 10:30 ás 12:00 h.

RETOCA AS TÚAS FOTOS: As persoas que asistan a esta actividade aprenderán a pasar e organizar as fotos da súa cámara no ordenador, así como a modificalas, restauralas e facer sinxelas montaxes. Está dirixido a persoas con coñecementos básicos de informática.

Do martes e xoves do 18 ao 27 de xuño das 16:00 ás 18:00 h.

ARZÚA COMERCIAL: MARKETING NA INTERNET. Neste obradoiro contaremos coa colaboración de Manuel Núñez da empresa Offilance que nos informará das posibilidades que o Marketing Online nos pode ofrecer a hora de mellorar ou poñer en marcha o noso negocio. Está dirixida a todas as persoas interesadas no marketing online, epecialmente a empresarios e emprendedores da comarca de Arzúa do sector comercial, así como empregad@s e desempregad@s deste eido.

Martes 18, mércores 19, xoves 20, martes 25 e mércores 26 de xuño das 20:45 ás 22:30 h.

 

Para incribirse en calquera das actividades anteriores podedes seguir calquera destas alternativas:

  • Achegándose a Aula CeMIT de Arzúa sita na Rúa Lugo s/n (ao carón do Xulgado) de no seguinte horario:

De luns a xoves:

Mañás: 12:30 a 14:00 h.

Tardes: 18:00 a 20:00 h.

Venres: Só mañás de 12:00 – 14:00 h.

  • A través da web: cemit.xunta.es ou se xa participaches nalgunha das actividades premendo aquí e usando os datos de acceso (usuario e contrasinal) ao ordenador da aula para solicitar a inscrición na actividade.
  • Por teléfono: 981 500 447.

 

Animádevos a participar!

 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia