Arzúa é terra do queixo destino verde de Galicia paso dos peregrin@s

PRESENTADO EN ARZÚA O I CAMPUS DE FÚTBOL E FÚTBOL SALA INSUA-QUINTELA

P1020757

Esta mañá tivo lugar a rolda de prensa de presentación do I Campus de Fútbol e Fútbol Sala Pablo Insúa – Diego Quintela que se vai celebrar en Arzúa entre os días 30 de xuño e ata o 5 de xullo.

No acto de presentación estiveron presentes os presidentes das Escolas Deportivas de Arzúa, Fernando Insua e o do CSD Arzúa, Víctor Gómez. Acompañáronos o adestrador do Santiago Fútsal, Santi Valladares e o xogador do Deportivo da Coruña, Pablo Insua. Entre o numeroso público que asistiu á presentación cómpre destacar a presenza dos coordinadores deportivos dos concellos participantes así como a asistencia da Concelleira de Deportes de Arzúa, Pilar Castro que acudiu acompañada de Aurora Varela, edil responsable da Área de Benestar Social da localidade.

Fernando Insua explicou na presentación a finalidade deste primeiro campus que busca ofrecer unha alternativa de ocio nas datas estivais aos rapaces e rapazas da comarca que máis alá do fútbol poderán compartir unhas xornadas estivais nas que se ofrecerá a práctica doutras disciplinas deportivas ademais do fútbol e fútbol sala.

O lugar elixido foi Arzúa dadas as magníficas instalacións deportivas das que se dispón no municipio, tamén axuda o feito de que dúas grandes figuras do deporte de élite a nivel nacional son nativos desta localidade: Pablo Insua, xogador do Deportivo da Coruña e Diego Quintela, xogador do Santiago Fútsal; ámbolos dous participarán nalgunhas das xornadas que se están organizando.

Na iniciativa participan 10 concellos: Arzúa, Boimorto, Santiso, Touro, O Pino, Frades, Vila de Cruces, Melide, Sobrado e Toques. O campus vai dirixido aos rapaces e rapazas nados entre os anos 1998 e 2005; estableceuse unha cota de participación que deberán aboar no momento da inscrición, o prazo remata o día 24 deste mes de xuño.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia