Arzúa é terra do queixo destino verde de Galicia paso dos peregrin@s

Arzúa reabre o Telecentro de Comunicación

O Concello de Arzúa volve a contar con actividade no Telecentro de Comunicación despois de que o goberno municipal contratase unha persoa para atender o servizo ata finais de ano. Deste xeito, a coñecida como Aula CeMIT de Arzúa, situada na Avenida de Lugo, ao carón do Xulgado, volveu a abrir as súas portas con novas actividades para o mes de abril.

Os veciños e veciñas de Arzúa que así o desexen poderán inscribirse nas actividades programadas ou ben facer uso do servizo a nivel particular no horario de aula aberta.

As actividades previstas para o vindeiro mes son as que se sinalan a continuación:

  • Iniciación á Informática e Internet. Esta actividade vai dirixida a persoas con moi poucos ou nulos coñecementos de informática. Durante as primeiras sesións do obradoiro os asistentes practicarán co manexo do rato e o teclado para ir avanzando no manexo básico do pc (arquivos e carpetas), características básicas do sistema operativo, procuras por internet e utilización do correo electrónico.
    • Impartirase do 2 ao 26 de abril.
    • Martes, mércores e venres de 10:30 a 12:00 h.
    • Prazas dispoñibles: 10.
  • Iniciación ao Procesador de Textos. Con esta actividade os alumnos/as aprenderán a crear e editar un documento de texto, engadir imaxes, organizar os seus documentos e crear e xestionar táboas.
    • Impartirase do 2 ao 25 de abril.
    • Martes e xoves de 16:00 a 17:30 h.
    • Prazas dispoñibles: 12.
  • Ferramentas Básicas de Internet para Asociacións.O Departamento de Cultura en colaboración coa Aula CeMIT de Arzúa invita a participar dunha actividade que pretende formar ás directivas destas asociacións en materia de novas tecnoloxías que facilitará a comunicación tanto a nivel administrativo coma cos seus propios asociad@s. Os contidos sobre os que se traballará neste obradoiro son a procura de información na rede, a creación e manexo dunha conta de correo electrónico e algún dos trámites administrativos que se poden realizar por Internet.
    • Impartirase do 3 ao 24 de abril.
    • Os mércores de 19:00 a 21:00 h.
    • Prazas dispoñibles: 20.
  • Sácalle partido a Google.Neste obradoiro explicaráse en que consiste o traballo na nube, así como as aplicacións de Google máis empregadas (Gmail, Drive, Calendar, Sites…)
    • Impartirase do 15 ao 24 de abril.
    • Luns e mércores de 16:00 a 17:30 h.
    • Prazas dispoñibles: 15.

Para incribirse en calquera das actividades anteriores as persoas interesadas poden seguir calquera destas alternativas:

  • Achegándose a Aula CeMITde Arzúa sita na Rúa Lugo s/n (ao carón do Xulgado)  no seguinte horario:
    • De luns a xoves:
      • Mañás: 10:30 a 14:00 h.
      • Tardes: 18:00 a 20:00 h.
    • Venres: Só mañás de 10:00 – 14:00 h.
  • Por teléfono: 981 500 447.
  • Mediante correo electrónico: olalla.arzua@gmail.com ou empregando o xeral da aula cemit.arzua@xunta.es
Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia