O Concello de Arzúa convocou un concurso de fotografía coa finalidade de poñer en valor o Camiño de Santiago ao seu paso por Arzúa, así como os recursos turísticos do municipio a través de imaxes fotográficas con motivo do Xacobeo 2021. O prazo para participar neste certame estivo aberto durante un mes e rematou o pasado día 30 de outubro.
Unha vez rematado o prazo de presentación de propostas, o xurado integrado por membros do Concello e por profesionais relacionados coa temática do concurso valorou as cincuenta e sete propostas presentadas centrándose na calidade técnica e artística e na capacidade que teñen para comunicar visualmente e promover os obxectivos indicados. O xurado estivo composto por Ramón Roldán (consultor de comunicación), Begoña Balado (Concelleira de Turismo), o fotógrafo Jose Manuel García e Marcos Pampín (técnico do Departamento de Cultura) que actuou como secretario, con voz pero sen voto.
Despois das valoracións e puntuacións, tal e como recollían as bases do concurso, as seguintes doce imaxes resultaron elexidas como gañadoras:
1 premio de 50 euros para a fotografía n.º 40 “Parada na Igrexa de Santiago” de Carmen Duro Barrán
1 premio de 50 euros para a fotografía n.º 18 “Selfie no Iso” de Héctor Romero Martínez
2 premios de 50 euros cada un para as fotografías n.º 12 “Chegando a Ribadiso” e n.º 11 “Carballeira e ermida da Mota desde o ceo” de Jorge Lama Varela
1 premio de 50 euros para a fotografía n.º 55 “Paisaxes no Camiño” de Daniel Fernández Codesido
1 premio de 50 euros para a fotografía n.º 46 “Entre paseos e viaxes” de Patricia Regueiro Varela
2 premios de 50 euros cada un para as fotografías n.º 34 “Non pases sen probalo” e n.º 35 “Ás portas da capela” de María Yolanda Aguión Andrade
1 premio de 50 euros para a fotografía n.º 21 “Arco da vella no Camiño” de José Carlos Lozano Casado
1 premio de 50 euros para a fotografía n.º 37 “Arzúa, fin de etapa” de Guadalupe Mariño Barreiro
1 premio de 50 euros para a fotografía n.º 31 “Percorridos lumínicos” de Susana Seijo Duro
1 premio de 50 euros para a fotografía n.º 16 “Entre o natural e o espiritual” de Elena Salgado Mariñán.
Estas fotografías elexidas formarán parte do calendario para o ano 2021 que elaborará o Concello de Arzúa e recibirán un premio dotado de cincuenta euros cada unha. Todas as propostas presentadas pódense ver no facebook do Departamento de Cultura do Concello de Arzúa.
