Arzúa é terra do queixo destino verde de Galicia paso dos peregrin@s

Arzúa celebrará a súa tradicional Feira de Capóns de Nadal o 22 de decembro

O goberno municipal dálle un pulo á feira cunha programación máis extensa e con importantes premios para os mellores exemplares presentes no recinto.

De seguido podes coñecer a programación prevista para a xornada do 22 de decembro así como as bases que regulan a participación no certame.

 

PROGRAMACIÓN

Recinto Feiral “Terra do Queixo”, Arzúa

Domingo 22 de decembro de 2013

A partires das 7.30h: Entrada de produtores

10:00h: Pasacalles co Grupo de Gaitas CASTRO CURBÍN

11:30h: Entrega de premios

12:00h: Peche coa actuación do grupo de gaitas

MODALIDADES

Galos vivos

Capóns cebados

Galos piñeiros

 

PREMIOS

Para as mellores parellas de cada modalidade

1º – 200 euros

2º – 125 euros

3º –   75 euros

 

BASES REGULADORAS DO CERTAME

 

Co gallo da celebración da Feira de Capóns de Nadal o Concello de Arzúa organiza un certame de exemplares de galos vivos, capóns cebados e galos piñeiros o domingo 22 de decembro, pola mañá, no Recinto Feiral “Terra do Queixo” de Arzúa. Para fomentar a participación convócase un ano máis esta tradicional celebración de acordo coas seguintes bases:

 

PRIMEIRA: O obxecto do certame é celebrar esta feira tradicional e popular, fomentar a participación dos veciños e veciñas e promocionar e apoiar este produto de calidade.

 

SEGUNDA: Para participar no concurso é obrigatorio inscribirse previamente no Concello de Arzúa ou durante a celebración da feira o día 22 de decembro antes das 11:00 horas.

 

MODALIDADES: Galos vivos, Capóns cebados e Galos piñeiros.

 

TERCEIRA: Os premios establecidos polo Concello de Arzúa serán repartidos entre as melloras parellas de cada modalidade -galos vivos, capóns cebados e galos piñeiros- que recibirán un primeiro premio de 200 euros, os segundos clasificados levarán 125 euros e os terceiros 75 euros.

 

CUARTA: A cualificación nas distintas modalidades será determinada polo xurado do concurso que será nomeado polo Concello de Arzúa.

 

QUINTA: Durante o desenvolvemento do certame, o xurado valorará a beleza e hixiene dos exemplares expostos así como a súa presentación.

 

SEXTA: A entrega de premios terá lugar o mesmo día de celebración do concurso, unha vez feita a avaliación polo Xurado.

 

SÉTIMA: As persoas participantes deberán presentarse no Recinto Feiral “Terra do Queixo” entre as 7:30 e as 11:00 horas.

 

OITAVA: A participación no concurso supón a aceptación destas bases, sendo a decisión do xurado inapelable.

 

Os presentes premios serán outorgados con cargo á partida orzamentaria 439.480.02 do vixente orzamento, ata o límite de 1.200 euros.

 

En Arzúa, 9 de decembro de 2013

 

José Luís García López

Alcalde do Concello de Arzúa

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia