Arzúa é terra do queixo destino verde de Galicia paso dos peregrin@s

O Concello de Arzúa presentou oficialmente a celebración da 4ª Edición de ‘Arzúa Vende’

Cartel Arzúa Vende 2015 - Concello de Arzúa

Arzúa celebrará a cuarta feira de artigos de segunda man e artesanía o vindeiro sábado día dous de maio.

O Concello de Arzúa organiza para o sábado día dous de maio a cuarta feira de artigos de segunda man e artesanía.

A cita, que leva o nome de ‘Arzúa Vende’, volve este ano despois do éxito de participación e de vendas acadado nas tres edicións anteriores. O evento consolídase como un gran espazo de compra e venda de artigos de segunda man e obxectos de artesanía.

A cita manterá o horario de once da mañá a oito do serán, realizarase no Recinto Feiral Terra do Queixo e ofertará actividades e servizos complementarios como obradoiros, exposicións, actuacións e actividades infantís. Ademais, cabe salientar que, de novo, tanto as inscricións para expositores como a entrada ao público e participación nas actividades serán de balde.

A feira contará de novo con tres zonas: unha para artigos de segunda man, outra destinada a artesanía e un terceiro apartado para roupa, calzado e complementos.

Para poder reservar un posto e vender é obrigtorio anotarse previamente no Departamento de Cultura do Concello de Arzúa ou chamando aos teléfonos 981 500 222 ou 981 815 297 do 7 ao 24 de abril.

Dende a organización, aproveitan para informar que nos vindeiros días darase a coñecer toda a programación da feira.

Descargar FICHA DE INSCRICIÓN

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia