Arzúa é terra do queixo destino verde de Galicia paso dos peregrin@s

O Concello de Arzúa pon a disposición da veciñanza ferramentas de apoio para realizar trámites dixitais

O Concello de Arzúa pon a disposición da veciñanza ferramentas de apoio para realizar trámites dixitais O Concello de Arzúa pon a disposición da veciñanza ferramentas de apoio para realizar trámites dixitais

Da man da axente PEL-Concello Dixital da Deputación da Coruña e da Aula CeMIT ofreceranse charlas e un espazo de resolución de dúbidas sobre administración electrónica e certificados dixitais.

O Concello de Arzúa pon a disposición da veciñanza e das asociacións locais ferramentas de apoio para realizar trámites dixitais e solicitar subvencións a través da sede electrónica municipal e da plataforma Subtel da Deputación Provincial.

Por unha banda, a axente PEL-Concello Dixital da Deputación da Coruña estará a disposición das persoas interesadas os días 10 e 25 de febreiro no segundo andar da Casa do Concello. O horario será de 10:00 a 11:00h para resolver dúbidas sobre a sede elctrónica e de 11:00 a 12:00h sobre a plataforma Subtel, a través da cal se solicitan subvencións á Deputación.

Por outra banda, desde a Aula CeMIT do Concello de Arzúa programan para este mes varias charlas sobre administración electrónica e certificados dixitais baixo o título Trámites dixitais na Internet desde cero. As mesmas levaranse a cabo na propia aula de 10:30 a 11:30h e son as seguintes: Como usar o DNI electrónico e o DNI 3.0 (lector e smartphone) o martes 11 de febreiro, Trámites online sen certificado dixital o xoves día 13, Trámites online con certificado dixital o martes 18, Copias de seguridade e consellos de uso do certificado dixital o xoves 20, Como utilizar o certificado dixital e o DNI 3.0 no teu móbil o martes 25 de febreiro e Sinatura de documentos electrónicos co teu certificado dixital o xoves 27 de febreiro.

Estas charlas son de balde e requiren de inscrición previa na propia Aula CeMIT, chamando ao 981 500 447 ou escribindo a cemit.arzua@xunta.gal.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia