Arzúa é terra do queixo destino verde de Galicia paso dos peregrin@s

O Concello de Arzúa organiza o programa de actuacións ‘Música no Camiño’

O Concello de Arzúa organiza do 15 de agosto ao 15 de setembro o programa de actuacións ‘Música no Camiño’ coa colaboración do Xacobeo co que se pretende incentivar e promover a distribución do produto musical galego nos concellos por onde discorre o Camiño Francés e que conten con albergues públicos de máis de cen prazas.

A proposta musical desenvolverase durante un mes cunha vintena de actuacións todos os xoves, venres, sábados e domingos ata o 15 de setembro. Mañá, sábado, arrinca esta iniciativa co recital da guitarrista Silvia Penide na Capela da Madanela. O domingo será a quenda para o grupo de música tradicional Fol da Chousa na praza. Para a semana que vén soará o hip hop do grupo La hostia en verso e os sons tradicionais de Castro Curbín, As Sobreiras do Ulla e O Bringuelo na praza da vila.

Todos os concertos serán ás oito e media do serán e de entrada libre e gratuíta.

Para o resto das xornadas resérvanse actuacións de artistas e grupos de todos os estilos, como por exemplo, dúo de acordeóns, música africana, jazz, rock ou dúos de música clásica e de cámara.

PROGRAMACIÓN COMPLETA:

Cartel_Música_no_Camiño_Arzúa

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia