Arzúa é terra do queixo destino verde de Galicia paso dos peregrin@s

O Concello de Arzúa organiza este ano as Festas do Carme

O Concello de Arzúa organiza este ano as Festas do Carme

O Concello de Arzúa informa que, ao non terse formado unha comisión organizadora faltando menos de dous meses para a celebración da festividade do Carme, asume a organización das festas deste ano que se celebrarán os vindeiros días 15 e 16 de xullo.

A Concellería de Cultura preparará un programa de actividades humilde, axeitado aos tempos de crise económica e adaptado ás circustancias polas que dende o Concello se tomou esta decisión.

Deste modo, e coa programación sen pechar, adiántase que na xornada do domingo contarase coa actuación dunha banda de música e cunha verbena pola noite. Xa na xornada do luns 16, día festivo local, haberá distintas actuacións ao longo de todo o día a cargo dunha banda de música e unha charanga entre outras.

A Concelleira de Cultura, Natalia Pereira Rey, afirmou que se dará a coñecer a programación final con suficiente antelación e fixo especial fincapé en que «dende o Concello de Arzúa queremos avisar que a decisión de organizar as festas só afectará a este ano polo que queremos implicar a veciños e comerciantes na organización do Carme nos vindeiros anos».

Por último, o alcalde de Arzúa, José Luís García López, puxo de manifesto o compromiso do Concello de «manter a tradición cultural e festiva da celebración do Carme cunha festa modesta pero digna que terá poucos custes».

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia