Arzúa é terra do queixo destino verde de Galicia paso dos peregrin@s

O Concello de Arzúa conmemora o Día de Rosalía

Cartel DÍA DE ROSALÍA 2014 - Concello de Arzúa

O Concello de Arzúa organiza un completo programa de actos con motivo da celebración do Día de Rosalía para o vindeiro luns 24 de febreiro, data do nacemento da escritora. Foi a AELG (Asociación de Escritores en Lingua Galega) quen promoveu unha moción para presentar nos concellos de toda Galicia e instaurar así o 24 de febreiro como Día de Rosalía de Castro. A idea pasa, segundo os presidente da AELG, Cesar Sánchez, por organizar actos de celebración en toda a xeografía do país e espallar o nome da autora de Cantares Gallegos. A moción foi aprobada tamén en Arzúa onde en sesión plenaria, se acordou levar a cabo a conmemoración deste día.

Foi así como o Departamento de Cultura do Concello de Arzúa, xunto coa Biblioteca Pública e a Radio Municipal, preparou unha xornada en recordo e memoria da poetisa. Así, o vindeiro luns día 24 levarase a cabo ás 12 do mediodía dende a Biblioteca Municipal o programa de radio en directo ‘Rosalía nas ondas’ e nel contarase coa participación de escritores como Neira Vilas ou Iolanda Castaño. Tamén haberá música en directo a cargo de Mini e Mero e a recitación de poemas da autora. Todo este conxunto de actividades realizaranse nas dependencias da Biblioteca Pública de Arzúa e serán retransmitidas en directo pola emisora pública de Arzúa.

O alcalde de Arzúa, José Luís García, amosouse moi satisfeito con esta iniciativa que “ procura axudar a difundir a figura e obra de Rosalía de Castro a través dunha proposta cultural de portas abertas á que están convidados todos os veciños e veciñas que así o desexen”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia