Arzúa é terra do queixo destino verde de Galicia paso dos peregrin@s

III Edición «Arte na rúa»

III Edición "Arte na rúa"

Dez artistas confirmaron a súa participación na terceira edición de Arte na rúa de Arzúa.

Despois de clausurar a cuarta edición de Bo camiño na Capela da Madanela con máis de mil visitantes baixo as normas sanitarias pertinentes, a arte en directo será a protagonista nos vindeiros días.

Mércores, 9 de setembro de 2020. O Departamento de Cultura do Concello de Arzúa organiza para este venres 11 de setembro, dentro da programación de verán e en colaboración con Sumarte, a actividade Arte na rúa.

Trátase dunha xornada na que pintores e escultores realizarán obras ao aire libre e en directo na contorna da Capela da Madanela, coincidindo co paso do Camiño Francés pola vila.

Nesta terceira edición confirmaron a súa participación un total de dez artistas, entre os que se atopan as arzuás Rebeca Novo e María José Plata.

As creacións artísticas inspiradas no Camiño de Santiago por Arzúa faranse de 10:30 a 13:30 da mañá e despois terá lugar un xantar de confraternidade.

Ás sete e media da tarde inaugurarase a mostra das obras realizadas na Capela da Madanela, con aforo limitado. A galería estará aberta do 14 ao 18 de setembro na Madanela en horario de sete a oito e media da tarde e nela poderemos ver tamén obras de artistas que participaron noutras edicións como Manolo Rivera, Isabel Alonso, Novais, Corín Cervera e Carlos Barcón.

Ademais, formarán parte desta exposición as esculturas de Violeta Bernardo, Xoan Vila, Tino Canicoba, Xesús Méndez, Luis de las Cuevas e Oscar Aldonza.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia