Arzúa é terra do queixo destino verde de Galicia paso dos peregrin@s

Finalizan as obras de acondicionamento do vial de Branzá a Remesil en Arzúa

A actuación contou cunha partida de 79.621,57 euros

 

O goberno municipal de Arzúa, que encabeza o alcalde, José Luís García, destinou preto de 80.000 euros ao acondicionamento da pista que conduce dende o lugar de Branzá a Remesil, pasando por Follenza.

Finalizadas as obras a semana pasada, os veciños e veciñas do lugar xa poden transitar por un vial perfectamente preparado para o seu uso despois dunha importante intervención na que se procedeu á limpeza das gabias, o rebacheo e ao acondicionamento de toda a superficie cunha capa de aglomerado.

Foi a empresa Leonardo Miguélez a encargada de executar unha actuación que o goberno municipal incluíu no Plan de Obras e Servizos que promove a Deputación Provincial coa finalidade de atender unha das peticións máis prioritarias dos veciños da parroquia de Branzá e doutras colindantes dado o estado de deterioro que presentaba o vial, e que supuña un perigo para unha circulación segura polo mesmo.

O alcalde de Arzúa, José Luis García, explicaba esta mañá que o goberno municipal fixo un importante esforzo “ao ter que destinar unha partida financieira importante para esta actuación que beneficiará aos numerosos veciños que a diario circulan por esta estrada e que resultou unha petición unánime de todos os veciños e veciñas que asistiron ás reunións que celebramos en cada parroquia a finais do pasado ano”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia