Arzúa é terra do queixo destino verde de Galicia paso dos peregrin@s

Exposición «Bo Camiño» do 1 ao 31 de agosto

Exposición "Bo Camiño" do 1 ao 31 de agosto

  • O martes 1 de agosto ás 19:00 horas terá lugar na Capela da Madanela de Arzúa a inauguración da exposición titulada “Bo Camiño”.

O Departamento de Cultura do Concello de Arzúa en colaboración con Sumarte, organiza para o mes de agosto a mostra colectiva e multidisciplinar “Bo Camiño” que estará exposta na Capela da Madanlela. Atendendo á propia historia do espazo expositivo, emprazado nun lugar emblemático do Camiño de Santiago ao seu paso por Arzúa,  organízase unha exposición de artistas galegos na que o fío condutor, a idea e a inspiración son o Camiño de Santiago. Cada un dos artistas participantes  elixe unha obra da súa traxectoria na que para eles está representado o concepto ou o espíritu deste itinerario cultural europeo.  Na mostra, cada obra irá acompañada dun texto persoal de cada artista sobre a súa percepción sobre o Camiño, co que se pretende invitar ao visitante á reflexión.

A exposición permanecerá aberta do 1 ao 31 de agosto en horario de sete a nove da tarde de martes a venres e a inauguración terá lugar o primeiro día de apertura, o martes 1, ás sete da tarde e na que se convidará ao público asistente a un viño.

Nesta mostra colectiva participarán artistas como Jorge Agra, Óscar Aldonza, Isabel Alonso ou Camilo Seira e tamén haberá representación local da man de Rebeca Novo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia