Arzúa é terra do queixo destino verde de Galicia paso dos peregrin@s

Curso de Primeiros Auxilios en Arzúa

Curso de Primeiros Auxilios en Arzúa

A asemblea de Cruz Vermella informa que no mes de abril e maio vaise realizar un Curso de Primeiros Auxilios de 40 horas en Arzúa. As datas nas que se celebrará dito curso serán os sábados 22, 29 de abril , 6, 13 e 20 de maio. As persoas interesadas poden dirixirse á oficina da Cruz Vermella sita no edificio María Mariño na rúa Padre Pardo 33 1º (edificio da radio local ) de 9:30 a 13:30 da mañá de luns a xoves.

Esta formación resulta moi útil para a poboación xeral, xa que o obxectivo último que persegue é facilitar a adquisición de coñecementos e habilidades específicas no campo dos primeiros auxilios.

O prazo de inscrición estará aberto ata o 17 de abril, tendo descontos do 10% para estudantes, voluntarios, socios ou desempregados. Os descontos poden chegar ao 20% para pequenos grupos así como para desempregados de máis de tres meses.

Para máis información chamar ó teléfono: 981 500 589, ou no enderezo electrónico arzua@cruzroja.es

 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email