Arzúa é terra do queixo destino verde de Galicia paso dos peregrin@s

CURSO DE INICIACIÓN Á APICULTURA EN ARZÚA

Curso de iniciación á apicultura en Arzúa

A Asociación Galega de Apicultura AGA organiza un Curso de Iniciación á Apicultura os días 25, 26 e 27 de abril no Centro do Queixo e do Mel en Santa María – Arzúa en colaboración co Museo  O Enredo do Abelleiro.

Este curso forma parte do programa de formación de AGA do 2014, cunha ampla oferta de cursos de iniciación e especialización que se impartirán por toda Galicia durante esta primavera. Os obxectivos principais desta formación son a incorporación de novos abelleiros e abelleiras e a elaboración, diversificación e comercialización de produtos innovadores. Os cursos de iniciación, como o que se impartirá en Arzúa, van dirixidos ás persoas que se queren incorporar ó sector apícola. É significativo nos últimos tempos o aumento do interese na apicultura por parte de xente nova que ven nesta actividade, ademáis dunha forma de contribuir a manter e mellorar a riqueza do noso medioambiente, unha importante alternativa de incorporación ao mercado laboral. O prazo de inscrición acábase de abrir e xa son numerosas as persoas inscritas, socios e socias de AGA e moita xente nova que agardaba con interese esta convocatoria.

CURSO DE INICIACIÓN Á APICULTURA

25, 26 e 27 de abril

Centro do Queixo e do Mel

Santa María – Arzúa (A Coruña)

Duración: 12 horas (3 días)

Horarios: 1º día de 18 a 21 / 2º día de 11 a 14 e de 16 a 19 / 3º Día: de 10 a 14 (Visitas a apiarios).

Prezos: O curso será gratis para socios/as de AGA e cun prezo de 40 € para non socios/as

Inscricións: Data límite 21 de abril. Email: aga@queixoemel.org / Teléfono: 981 508 142

MAIS INFORMACIÓN EN:

www.apiculturagalega.es

Xesús Asorey Tel. 630 069 635

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia