Arzúa é terra do queixo destino verde de Galicia paso dos peregrin@s

Cruz Vermella Arzúa: Sorteo do Ouro 2013

Cruz Vermella Arzúa: Sorteo do Ouro 2013

  •  Cun total de ata 3 millóns en ouro e centos de premios máis, o Sorteo do Ouro de Cruz Vermella permitirá axudar a quen máis o precisa.

Unha ano máis, dende fai xa máis de 30, Cruz Vermella mobiliza aos seus voluntarios, socios e traballadores, así como empresas e organizacións colaboradoras na venda de boletos do Sorteo do Ouro. Cos fondos recadados poderán asistir a preto de 2.500.000 de persoas en situación de vulnerabilidade, axudar na busca de emprego ou repartir alimentación básica a máis dun millón de persoas. Dende finais de 2012, a asemblea de Arzúa está atendendo ao redor de 100 familias do noso concello, tanto a través de reparto de alimentos, de xoguetes, como de kits de hixiene infantil e material escolar. Estes datos son o reflexo do esforzo que está realizando a institución para cubrir a cada vez maior demanda de axuda que se está solicitando dende a poboación arzuá. Cada boleto custa 5 euros, cun primeiro premio de 3 millóns de euros, un segundo de 1 millón e medio de euros, e un terceiro de 750.000 euros ou o seu contravalor en ouro, así como centos de premios de menor cuantía. En total, son máis de 1.560 premios a repartir, valorados en máis de 6,6 millóns de euros. Co lema “Se podes, colabora” faise un chamamento a todas as persoas que se atopan nunha situación económica máis favorable, animándoos a que colaboren con aqueles que máis o precisan.

“Se podes, colabora”

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia