O día 1 de decembro, Día Mundial da Resposta ante o VIH e a SIDA, figura no calendario de Cruz Vermella como unha cita ineludible na que compartir as nosas inquedanzas e expectativas co resto da poboación que , día a día, se atopa inmersa nunha realidade diversa e cambiante da que somos protagonistas.
Por isto un ano máis Cruz vermella pon en marcha a campaña de sensibilización co lema » Gústome. Quérete moito. Nas túas relacións emprega protección».
Con esta campaña preténdese promover a saúde e previr a infección, incrementando para iso os coñecementos fronte a infección por VIH e outras ETS. Ademais quérese destacar a importancia de adquirir e manter hábitos saudábeis e evitar condutas de risco xa que o único grupo de risco é o formado por persoas desinformadas que se senten alleas ao VIH e a Sida.
- No marco desta campaña de sensibilización Cruz Vermella Arzúa realizará catro charlas no IES de Arzúa para o alumnado de 3º e 4º da ESO contando coa colaboración dun dos voluntarios da Asemblea Local de Arzúa, que será o responsable de impartilas.
#DíaMundialSidaCruzRoja #DiaMundialSida
