Arzúa é terra do queixo destino verde de Galicia paso dos peregrin@s

Comeza unha nova edición do programa Camiños do Coñecemento e Experiencia en Arzúa

O Concello de Arzúa, a través da área de Benestar Social, e en colaboración co IV Ciclo da Universidade de Santiago de Compostela ofrecerán neste mes de abril unha segunda edición do programa Camiños do Coñecemento e Experiencia, un proxecto de democratización do coñecemento no que participarán unha vintena de veciños e veciñas do municipio.
A iniciativa que conta cunha parte teórica e outra práctica desenvolverase dende mañá mesmo na Capela da Madanela de Arzúa e versará, maiormente, sobre a historia, a cultura e a música galega xunto coa astronomía.
A primeira das xornadas terá lugar no día de mañá, 4 de abril, será na Capela da Madanela entre as 17 e as 18.30 horas. A profesora da Facultade de Ciencias da Educación da USC, Laura Touriñán Morandeira, ofrecerá unha charla sobre a música galega.
Ao día seguinte, xoves 5 de abril, no mesmo horario haberá unha charla sobe a Historia da cultura de Galicia, a ponente será a profesora Mercedes López Mayán-Navarrete, da Facultade de Xeografía e Historia.
O venres, 6 de abril, os participantes neste proxecto desfrutarán dunha visita ao Arquivo da Catedral de Santiago. Nos días seguintes terán lugar as xornadas relativas á astronomía da man do profesor Pedro Pablo Campo Díaz, da Facultade de Matemáticas da USC.
Con esta iniciativa, explicaba esta mañá Aurora Varela, Concelleira de Benestar Social e Igualdade do Concello de Arzúa, “queremos ofrecer aos nosos veciños e veciñas a posibilidade de participar nun proxecto que axuda a revalorizar o noso patrimonio ao tempo que nos conciencia sobre a presenza da ciencia no noso día a día”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia