Arzúa é terra do queixo destino verde de Galicia paso dos peregrin@s

Clausura do curso 2018-2019 da Escola dos Maiores da Aula de Educación de Adultos Municipal

Cun xantar de fraternidade rematou a ESCOLA DOS MAIORES, un programa dirixido aos maiores de 60 anos do Concello de Arzúa e que se vén desenvolvendo de xeito ininterrumpido dende os últimos 19 anos.
Este programa cuxos obxectivos principais son promover a socialización e as relacións interpersoais, fomentar a actividade e reforzar a autoestima coa finalidade de evitar o aillamento social e mellorar o seu benestar, tanto físico como emocional, está estruturado de xeito que os alumnos adiquen un tempo a traballar as EBI (Ensinanzas Básicas Iniciais) isto é, lectura, escritura e cálculo, a ATENCIÓN e MEMORIA a través de programas especialmente deseñados para este fin e as MANUALIDADES, actividades todas elas que melloran a estimulación cognitiva, a psico-motricidade e fomentan a socialización.

Chegados os postres o alumnado agasallou ao seu profesor, Luís Vázquez García cun fermoso detalle, que en palabras dos alumnos é “en agradecemento a súa adicación e cariño con que nos trata”.

Pola súa parte, Luís Vázquez felicitounos a todos eles polo esforzo, entusiasmo e adicación que poñían nas clases ao tempo que lle facía entrega dos traballos realizados neste último trimestre finalizando o acto cunhas palabras de Charles Dickens na que os invitaba a repetir como alumnos no vindeiro curso académico 2019/20 que dará comezo no vindeiro mes de setembro: “A dor da despedida non é nada comparada coa ledicia de reunirse de novo”

Compartir en facebook
Facebook
Compartir en twitter
Twitter
Compartir en linkedin
LinkedIn
Compartir en pinterest
Pinterest
Compartir en whatsapp
WhatsApp
Compartir en email
Email