Arzúa é terra do queixo destino verde de Galicia paso dos peregrin@s

Aula de Teatro Municipal «Ánxel Casal»: Actuación de fin de curso

Aula de Teatro Municipal "Ánxel Casal": Actuación de fin de curso

O Departamento de Cultura do Concello de Arzúa informa que o vindeiro venres día 29 de xuño terá lugar na Casa da Cultura a actuación de fin de curso da Aula de Teatro Municipal «Ánxel Casal».

Este curso de teatro desenvólvese durante todo o curso escolar e, neste ano, acolleu a unha quincena de alumnos e alumnas no grupo de nenos e nenas e dez pupilas no de maiores.

A través da aula de teatro municipal, o Concello de Arzúa pretende, dunha maneira totalmente gratuíta, que os participantes se relacionen, convivan, compartan e aprendan practicando esta disciplina artística.

A pesar de que este grupo xa participou no programación cultural de Arzúa ao longo do ano con actuacións como a do Festival de Nadal, afronta esta importante actuación na que amosarán dúas pezas teatrais: por un lado os rapaces con

Unha de contos e por outro os maiores coa obra O estrano velorio. Ámbalas dúas escenificacións poderanse desfrutar a partires das oito da tarde o día 29 de xuño.

A Concelleira de Cultura, Natalia Pereira Rey, no nome do departamento que dirixe e da aula de teatro municipal, convida a todos os veciños e veciñas a «achegarse a pasar un bo rato desfrutando do teatro e a apoiar aos artistas da nosa vila» ademais indica que entre todos e todas debemos «valorar e dárlle sentido á forte aposta que o Concello fai polo teatro mantendo o servizo durante todo un ano totalmente de balde para os que participan». A concelleira aproveita a ocasión para animar á xente a que se inscriba o vindeiro curso que dará comezo en outrubro.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia