Arzúa é terra do queixo destino verde de Galicia paso dos peregrin@s

Arzúa Viva 2012

Arzúa Viva 2012

O Departamento de Cultura do Concello de Arzúa organiza para o domingo día 29 de xullo unha nova edición de Arzúa Viva, unha festa que pretende ser unha alternativa de ocio diferente e fresca durante o verán especialmente dirixida aos máis novos.

PROGRAMACIÓN:

17:00 – 20:00   Actividades gratuítas: inchables, touro mecánico, xogos multimedia, discoteca móbil e karaoke.

17:00   Obradoiro de coctelería sen alcol no que os interesados aprenderán a elaborar saborosas bebidas refrescantes e saudables.

18:00   Obradoiro de iniciación a DJ empregando varias mesas de mezclas e outros aparellos de son profesionais cos que, ao finalizar o taller, os participantes poñerán música a toda a festa.

* Nota: Estes obradoiros son limitados a vinte prazas que se irán cubrindo por orde de inscrición, teñen a duración dunha hora e van dirixidos a mozos e mozas a partires de doce anos. É obrigatoria a inscrición previa achegándose persoalmente ao Departamento de Cultura ou chamando ao seu número de teléfono: 981 500 222.

18:00   Actuación do paiaso malabarista Peter Punk que presentará en Arzúa o seu novo espectáculo A Chungatrona. O recoñecido e premiado artista preséntase nesta ocasión no seu novo e gran pequeno vehículo. Participando activamente co seu público, pedaleando coma un tolo, comendo globos e xogando coma un neno que se nega a crecer. Peter Punk presenta un final sorprendente no que coñeceremos o seu último xoguete, a Chungatrona! Unha máquina que fará as delicias de nenas e nenos de cero a cen anos. http://www.culturactiva.org/espectaculo.php?id=4

19:15   A edición 2012 de Arzúa Viva completarase coa Festa da escuma.

Todas as actividades serán na praza ou, en caso de mal tempo, no Recinto Feiral Terra do Queixo.

Dende a Concellería de Cultura e Mocidade, Natalia Pereira Rey, convida a “todos os nenos e mozos de idade e de espírtu a participar nestas actividades que, de seguro animarán unha tarde especial”.

Compartir en facebook
Facebook
Compartir en twitter
Twitter
Compartir en linkedin
LinkedIn
Compartir en pinterest
Pinterest
Compartir en whatsapp
WhatsApp
Compartir en email
Email