Arzúa é terra do queixo destino verde de Galicia paso dos peregrin@s

Arzúa súmase á conmemoración do Día da diversidade sexual.

Arzúa súmase á conmemoración do Día da diversidade sexual.

Arzúa, 11 de xuño de 2020. Desde o Departamento de Cultura do Concello de Arzúa, con motivo da conmemoración o 28 de xuño do Día da diversidade sexual, en colaboración coa Deputación da Coruña, impúlsase unha campaña de sensibilización para visibilizar a igualdade das persoas independentemente da súa orientación sexual e identidade de xénero. Co fin de normalizar e sensibilizar á sociedade sobre as diversidades sexuais, este ano dáselle continuidade á Campaña «Liberdade de ser e sentir!» na que participan 54 concellos da provincia, entre eles Arzúa.

Por unha banda, dende a Deputación Provincial están a organizar unhas serie de actividades que se desenvolven dun xeito diferente por mor, loxicamente, da situación sanitaria que estamos a vivir. Neste ano todas as actividades que se levan a cabo son en formato dixital, as cales están dispoñibles desde o pasado luns, 8 de xuño, na web www.seresentir.gal. As propostas son as seguintes: palestras, entrevistas virtuais relacionadas coa diversidade sexual tratadas desde diferentes ámbitos sociais, contacontos e difusión dunha serie web sobre educación sexual para adolescentes, ademais doutros recursos e contidos.

Por outra banda, o Concello de Arzúa reforzará esta iniciativa cunha actividade que se levará o cabo o vindeiro 3 de xullo dentro da programación cultural de verán que se dará a coñecer nos próximos días.

As actividades compleméntanse cun plan de comunicación e difusión para dar a coñecer a campaña máis sobre todo, para facer que o conxunto das veciñas e veciños participen activamente xerando unha sociedade máis tolerante e igualitaria.

Desde o Concello convidan a todos os veciños e veciñas a participar nas distintas actividades así como a dar difusión a esta campaña empregando o cancelo #seresentir nas redes sociais.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia