Arzúa é terra do queixo destino verde de Galicia paso dos peregrin@s

ARZÚA DESTINA 46.000 AO FOMENTO DAS ACTIVIDADE​S DEPORTIVAS​, EDUCATIVAS E CULTURAIS

O Concello de Arzúa continúa sendo un referente na promoción de actividades de carácter deportivo, educativo e cultural; así se desprende da convocatoria de axudas de carácter municipal que o goberno municipal do BNG destinará á promoción deste tipo de actividades que para esta anualidade alcanza os 45.805 euros.

As bases que regulan a convocatoria ordinaria destas subvencións a entidades sen ánimo de lucro e que estean debidamente inscritas no Rexistro Municipal de Asociacións e Entidades do Concello de Arzúa saiu publicada no Boletín Oficial da Provincia do día 20 de agosto de 2012.

As entidades interesadas en solicitar algunha desta axudas poden consultar e obter as bases xunto cos impresos de solicitude no Rexistro Xeral do Concello. O prazo para a presentación das instancias é de 30 días naturais contados dende o día seguinte ao da publicación da convocatoria no BOP.

O Alcalde de Arzúa, José Luis García López, sinalaba esta mañá a importancia de “seguir fomentando este tipo de actividades que contribúen á dinamización do noso concello” e salientou “o grande esforzo económico do goberno municipal que, nun época de grave crise económica, é capaz de xestionar de maneira eficaz os recursos propios e permitir así que as asociacións deportivas, culturais e educativas sen ánimo de lucro do noso concello sigan contando con estas importantes axudas para a realización de actividades, nas que participan centos de veciños e veciñas de Arzúa”.

As persoas que precisen máis información poden achegarse ata o Departamento de Cultura ou ben chamar por teléfono ao 981500222.

Compartir en facebook
Facebook
Compartir en twitter
Twitter
Compartir en linkedin
LinkedIn
Compartir en pinterest
Pinterest
Compartir en whatsapp
WhatsApp
Compartir en email
Email