Arzúa é terra do queixo destino verde de Galicia paso dos peregrin@s

Arzúa conmemora un ano máis o Día Internacional do Neno con varias actividades.

O Departamento de Cultura e Educación do Concello de Arzúa celebra, un ano máis, o Día Internacional do Neno con varias actividades para o desfrute dos escolares arzuáns.Os nenos e nenas dos centros educativos de Arzúa poderán desfrutar de concertos musicais e didácticos, monicreques e contacontos. As actuacións, organizadas polo Concello de Arzúa, realizaranse en horario lectivo no Recinto Feiral Terra do Queixo e na Casa da Cultura.

A primeira delas será este mércores día 16 para os alumnos de Educación Secundaria que poderán gozar dun concerto didáctico e interactivo combinado con pintura en directo a cargo de Indra Sesti, Estíbaliz e Juan Carlos Vázquez.

O venres día 18 será a quenda para os alumnos de infantil e primeiro e segundo curso de primaria que participarán na representación “O Galo Quirico” da compañía Seisdedos Títeres.

Xa de cara a semana que ven, Talía Teatro ofrecerá un contacontos o mércores 23 para os rapaces e rapazas de terceiro a sexto de primaria e, para finalizar, o xoves

24 os cativos de Educación Infantil bailarán e cantarán ao son de Pablo Díaz e o seu espectáculo “Tic Tac” que pechará as actividades do Mes do Neno.

A Concelleira de Cultura e Educación do Concello de Arzúa, Natalia Pereira Rey, destaca a importancia destas actividades “porque serven para enriquecer culturalmente aos nenos e nenas en horario escolar asegurando así, a participación nas actividades que programamos co fin tamén de facer rir e desfrutar aos máis pequenos da casa pero que representan o noso futuro”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia