Arzúa é terra do queixo destino verde de Galicia paso dos peregrin@s

Arzúa conmemora un ano máis o Día Internacional do Neno con actividades culturais para escolares.

os-tres-tenedores-3

O Departamento de Cultura do Concello de Arzúa celebra, un ano máis, o Día Internacional do Neno con varias actividades culturais para o desfrute dos escolares arzuáns.

Os nenos e nenas dos centros educativos de Arzúa poderán desfrutar de actuacións musicais,contacontos e monicreques organizados polo Concello de Arzúa e que se realizarán en horario lectivo na Casa da Cultura.

A primeira delas será hoxe luns, día 21, para os alumnos de Educación Infantil que poderán gozar dunha representación teatral a cargo da compañía ‘Baobab Teatro’ e o seu espectáculo Contos para un caldiño.

O martes día 22 será a quenda para os alumnos de 1º, 2º e 3º curso de Educación Primaria que participarán no espectáculo Espantallo amigo, unha adaptación teatral desta obra de Neira Vilas a cargo de ‘Os Quinquilláns’.

Outra proposta destinada aos escolares de 4º, 5º e 6º de Primaria terá lugar o mércores 23. O espectáculo musical e teatral O ritmo do camiño virá da man da compañía ‘A Tropa de Trapo’.

E, por último, o xoves 24, os mozos e mozas da ESO pecharán este programa de actuacións co grupo ‘The Lollipos & piano’ e o seu recital de música vocal.

Todas as actuacións serán ás once e media da mañá na Casa da Cultura.

 

 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia