Arzúa é terra do queixo destino verde de Galicia paso dos peregrin@s

Arzúa conmemora as Letras Galegas coa promoción da campaña “Non trabes a túa lingua”

 

Con motivo da celebración do Día das Letras Galegas, o Departamento de Cultura do Concello de Arzúa vén de iniciar unha campaña que nos convida a todos e todas á defensa e promoción da lingua galega, un dos nosos maiores patrimonios.

Baixo un significativo lema, “Non trabes a túa lingua”, o concello de Arzúa busca a implicación e concienciación de toda a cidadanía na importancia de defender e usar o noso idioma. A campaña iniciouse hai uns días na radio municipal coa difusión de diversas cuñas publicitarias con citas de varios escritores galegos que manifestaron públicamente nalgún momento o sentimento de orgullo pola noso idioma propio.

Manuel María, Xosé Neira Vilas ou Castelao son parte dos protagonistas desta iniciativa que a partir de hoxe, ademais de na emisora local, tamén estará visible nas instalacións municipais, centros educativos e nos establecementos comerciais e hostaleiros que cada mes colaboran colocando a cartelería da programación cultural.

Esta campaña tamén terá visibilidade a través da páxina web municipal e das redes sociais empregando o hastag #nontrabesatualingua.

 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia