Arzúa é terra do queixo destino verde de Galicia paso dos peregrin@s

Arzúa celebra a súa primeira Feira do Libro no casco histórico da vila

O Concello de Arzúa organiza, o sábado 21 de abril, a primeira edición da Feira do Libro na zona histórica da vila co obxecto de promover o hábito lector e a dinamización cultural e comercial.
A cita enmarcarase na rúa Cima do Lugar en horario de 11:00 a 14:00 e de 17:00 a 20:00h. Se o tempo non acompaña, o mercadiño instalarase na Capela da Madanela.
Poderán participar na feira todos as persoas interesadas, maiores de idade, que queiran expoñer e vender os seus produtos. Os artigos que se poderán vender son: libros, revistas, coleccionables, cómics, xoguetes educativos, discos de vinilo, CDs e cassetes, orixinais, novos, de segunda man ou descatalogados. Cada posto deberá expoñer obrigatoriamente artigos de lectura.
As prazas son limitadas e a ocupación dos postos cubrirase por rigorosa orde de inscrición, con preferencia das persoas que, cumprindo os requisitos, estean empadroadas no municipio.
O mercado terá carácter gratuíto tanto para expositores como para visitantes. O Concello de Arzúa porá a disposición de cada participante un espazo dun máximo de 4 metros lineais para colocar o seu propio posto ou as mesas solicitadas previamente.
Para participar é preciso achegar a solicitude presencialmente no Departamento de Cultura, por correo electrónico ao enderezo cultura@arzua.gal ou por fax ao 981 500 914. O prazo de presentación de solicitudes é do 2 ao 13 de abril. Máis información no teléfono 981 500 222.
A selección dos postos admitidos será comunicada a través de correo electrónico o luns, 16 de abril. O resultado tamén se publicará na páxina web e redes sociais do Concello de Arzúa.
A primeira edición da Feira do Libro contará con actividades paralelas para atraer a máis público e que se darán a coñecer nos próximos días.

Descargas:
Solicitude de participación

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia