Arzúa é terra do queixo destino verde de Galicia paso dos peregrin@s

Apertura da convocatoria para a participación no Día do Comercio Local

diadocomercio2

O Concello de Arzúa promoverá a segunda edición do Día do Comercio Local

Trátase dunha iniciativa encamiñada á promoción do pequeno comercio nunha xornada repleta de actividades dinamizadoras.

 

O luns, 8 de decembro, terá lugar no Concello de Arzúa o Día do Comercio Local que se organiza por segundo ano consecutivo a través do proxecto Arzúa Comercial.

Con esta cita o goberno municipal dá continuidade á iniciativa posta en marcha o ano pasado coa finalidade de promocionar o comercio, a hostalaría e os servizos do municipio.

Aproveitando a proximidade da campaña de Nadal e a feira quincenal, organizarase unha xornada con actividades, promocións e animación de rúa.

Para poder deseñar unha proposta atractiva para o público en xeral, o Concello solicita a colaboración do comercio para que ese día ofrezan descontos, vales de merca, agasallos ou outras promocións; tamén poderán plantexar demostracións ou pequenos coloquios sobre os produtos.

Así mesmo, animan aos locais hostaleiros a que se involucren nunha Ruta de Tapas para promocionar a gastronomía e os produtos de calidade da zona, así como aos nosos restaurantes, bares e cafeterías.

Ao igual que na primeira edición, dende o Concello de Arzúa difundirase o evento, programaranse actividades complementarias e elaboraranse programas de man con toda a información das actividadades e das propostas que os locais comerciais e hostaleiros vaian definindo.

Os empresarios e empresarias interesados en participar deberanse anotar no Departamento de Cultura do Concello de Arzúa ou chamando ao teléfono 981 500 222 entre o 4 e o 14 de novembro. A inscrición é gratuíta.

O alcalde do Concello de Arzúa, José Luis García, anima á participación “neste proxecto común que sairá adiante coa colaboración de todos e que beneficiará e dinamizará o noso comercio”; tamén aproveitou a ocasión para anunciar que haberá novidades na programación da presente edición “para conseguir unha maior participación tanto dos veciños e veciñas como dos visitantes”.José Luis García incidiu en que o éxito da edición pasada avala, dalgunha maneira, a boa acollida que terá este ano.

Descargar FICHA DE INSCRICIÓN

Compartir en facebook
Facebook
Compartir en twitter
Twitter
Compartir en linkedin
LinkedIn
Compartir en pinterest
Pinterest
Compartir en whatsapp
WhatsApp
Compartir en email
Email