Arzúa é terra do queixo destino verde de Galicia paso dos peregrin@s

Actividades do Día do Nen@ 2018

Actividades do Día do Nen@ 2018

Arzúa conmemora un ano máis o Día Internacional do Neno con actividades culturais para escolares.

O Departamento de Cultura do Concello de Arzúa celebra, un ano máis, o Día Internacional do Neno con varias actividades culturais para o desfrute dos escolares arzuáns.
Os nenos e nenas dos centros educativos de Arzúa poderán desfrutar de actuacións musicais e teatrais organizadas polo Concello de Arzúa e que se realizarán en horario lectivo.
A primeira delas será hoxe luns, día 19, para os alumnos de Educación Infantil que poderán gozar dunha representación teatral a cargo da compañía Ghazafelhos e o seu espectáculo Bon Appetit.
O martes día 20 será a quenda para os alumnos de 1º, 2º e 3º curso de Educación Primaria que participarán no espectáculo Contos do recreo a cargo de Redrum Teatro.
Outra proposta destinada aos escolares de 4º, 5º e 6º de Primaria terá lugar o mércores 21. O espectáculo teatral Leonardo e os fontaneiros virá da man da compañía Ubú Teatro que pon en escena esta obra de María Victoria Moreno.
E, por último, o xoves 22, os mozos e mozas da ESO pecharán este programa de actuacións coa representación de Logos a cargo da compañía Lucecús Teatro.
Todas as actuacións anteriores serán ás once e media da mañá na Casa da Cultura.
Como novidade, esta edición o Departamento de Cultura do Concello de Arzúa organiza tamén un espectáculo na Escola Infantil. A proposta musical O son que me arrola celebrarase o venres 23 de novembro ás dez e media.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia