Arzúa é terra do queixo destino verde de Galicia paso dos peregrin@s

Actividades culturais da semana das Letras Galegas

O Departamento de Cultura do Concello de Arzúa organiza para esta semana un completo programa de actividades para conmemorar o Día das Letras Galegas.

Despois de abrir a programación coa inauguración da exposición de esculturas de Camilo Seira, a semana comeza co teatro como protagonista. Será este martes 14 e xoves 16 cando a Aula de Teatro de CDR Amarai poña en escea a obra Os amores de Boimil na Casa da Cultura. Ambos os dous días as actuacións comenzarán ás once e media da mañá, sendo a primeira xornada reservada para os escolares da vila e a segunda aberta a todos os públicos.

O venres 17 de maio Arzúa celebrará o día propio das Letras Galegas coas actuacións do grupo de música e baile tradicional O Bringuelo e coa Banda de Música de Arzúa a partires das seis da tarde na praza da vila ou no recinto feiral Terra do Queixo, en caso de mal tempo.

Por último e para rematar a semana, en colaboración coa Biblioteca Municipal Rosalía de Castro, o sábado 18 Xanela Ocio entreterá aos pequenos de entre tres e doce anos cun contacontos ilustrado en directo titulado  Mira como cho conto! na propia biblioteca ás doce do mediodía. Todas as actividades son gratuítas.

O alcalde do Concello de Arzúa, José Luís García López, convida a todos os veciños e veciñas a participar nestas actividades “que de xeito lúdico pretenden conservar e apoiar o uso e coñecemento da nosa propia lingua”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia