Arzúa é terra do queixo destino verde de Galicia paso dos peregrin@s

A música protagonizará as actividades restantes do Mes das Letras de Arzúa

A música protagonizará as actividades restantes do Mes das Letras de Arzúa

O Departamento de Cultura do Concello de Arzúa organiza para os vindeiros días varias actividades relacionadas coa música dentro do Mes das Letras. Despois de celebrar o día forte das Letras Galegas con diversas actuacións moi ben acollidas polo público, Arzúa pecha o mes de maio cun obradoiro e cun concerto dun coro chegado dos Estados Unidos.

Os Venres 24 e 31 deste mes o Concello organiza, en colaboración co Conservatorio Profesional de Música da localidade, un obradoiro de Música vocal e instrumental na Casa da Cultura de 19:00 a 20:30 horas da tarde ambos os dous días. Este obradoiro está pensada para realizar dúas xornadas de portas abertas do conservatorio e da escola de música para que tanto nenos como mozos se interesen polas actividades que se desenvolven no centro de educación musical. Estas sesión desenvolveranse na Casa da Cultura e son unhas actividades abertas e gratuítas, sen inscrición previa.

Venres 31: o coro masculino Glee Club da Universidade de Notre Dame (Chicago, EUA) ofrecerá un programa de música clásica e popular o vindeiro venres 31de maio, ás 20:30 horas na Casa da Cultura de Arzúa. O repertorio inclúe obras de Victoria, Morais e Mendelssohn, tanto espirituais como afroamericanas, cancións folclóricas, e musica de estilo popular norteamericano. A entrada tamén será libre.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia