Arzúa é terra do queixo destino verde de Galicia paso dos peregrin@s

1º Festival online de artistas locais «Arzúa queda na casa»

1º Festival online de artistas locais "Arzúa queda na casa"

O Concello de Arzúa organiza un festival online con artistas locais para Semana Santa.

O Departamento de Cultura do Concello de Arzúa organiza para esta Semana Santa un festival online con actuacións de artistas locais. Baixo o título «Arzúa queda na casa» a concellería de cultura que dirixe Aurora Varela ofrece unha iniciativa que contará con concertos musicais, monólogos e outras actividades para os máis pequenos.

A situación de confinamento á que debemos facer fronte nestes días fixo xurdir esta iniciativa mediante a que o Concello de Arzúa ofrecerá uns momentos de ocio a todos os vecinos e veciñas de Arzúa, ao tempo que promocionará o traballo e talento do tecido artístico e cultural que hai no municipio.

As actuacións realizaranse a través das redes sociais do xoves 9 ao luns 13 de abril, coincidindo cos días festivos que se achegan, ás 19:00h da tarde cunha duración aproximada de 30 minutos.

Para esta semana están confirmadas as actuacións de Santiago Manuel Villar o xoves 9, o monólogo de Xan Veiga “Sonchistorias” o venres 10, o sábado 11 Aldara, o domingo MJ Pérez e, por último, o luns 13 Lidia Veiga ofrecerá o espectáculo “Titiriteiros na casa”. Todas as intervencións serán emitidas na páxina de Facebook @culturaconcelloarzua, agás a de Aldara que presentará o seu directo a través do seu perfil de Instagram @4ldara.

Dada a alta participación, para a seguinte fin de semana, do venres 17 ao domingo 19 de abril, resérvanse as actuacións de Daniel Mato, Inés Lamas e Riquiño Boy.

Desde o Concello agradécese a colaboración dos artistas citados e convídase  a participar a calquera artista ou grupo local interesado poñéndose en contacto co correo electrónico cultura@concellodearzua.com.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia