Arzúa é terra do queixo destino verde de Galicia paso dos peregrin@s

17 artistas confirmaron a súa participación na primeira edición de Arte na rúa de Arzúa

17 artistas confirmaron a súa participación na primeira edición de Arte na rúa de Arzúa

O Departamento de Cultura do Concello de Arzúa organiza este venres día 14 de setembro, dentro da programación de verán e en colaboración con Sumarte, a actividade Arte na rúa. Trátase dunha xornada na que pintores e escultores realizarán obras ao aire libre e en directo na contorna da Capela da Madanela e na rúa Cima do lugar, coincidindo co paso do Camiño Francés pola vila.
As creacións artísticas inspiradas no Camiño de Santiago por Arzúa faranse de 10:00 a 14:00 da mañá e despois terá lugar un xantar de confraternidade. Ás sete da tarde inaugurarase a mostra das obras realizadas na Capela da Madanela coa colaboración de ALBERTERIBERO e con petiscos de queixo DOP Arzúa-Ulloa. A galería estará aberta do 17 ao 21 de setembro na Madanela en horario de sete a oito e media e con visitas guiadas gratuítas todos os días as sete e media.
Despois da convocatoria aberta, inscribíronse un total de dezasete artistas chegados de diferentes puntos de Galicia: Antonio Abad, Tino Canicoba, Novais, Julio Sanjurjo, Laureno Vidal, Isabel Alonso, Macía, Corín Cervera, Manolo Rivera, Luisa Montenegro, Conchita Montenegro, Mila Vázquez, Lomarti, Violeta Bernardo e Antonio Souto. No evento tamén participarán os artistas locais Mª José Plata e Roberto Castro. Este último, aproveitará a xornada para presentar a mostra Alicerce composta de obras que fan un repaso á vida do arzuán ao longo do tempo e tamén obras creativas cheas de imaxinación e cor, feitas con diferentes materiais artísticos sendo dominante o óleo sobre lienzo e o acrílico sobre tabliña ou lienzo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp
Share on email
Email
Sede Electrónica
Perfil do Contratante
Portal de Transparencia